BUTUAN CITY –Arestado ang usa ka lalaki sa Brgy. Casinglot, Tagoloan, Misamis Oriental human kini masakpan nga nagbuhi og mga endangered wildlife animals.
Sayrang nasapan sa mga otoridad sa mismong balay sa suspek ang klase-klase nga mga hayop lakip ang duha ka mga Philippine long tailed macaque nga gikonsideranng endangered, upat ka parrot, usa ka uwak ug ang critically endangered species nga talking myna kansa makita lamang sa Palawan.
Nai-turn over na sa DENR-10 ang mga nakumpiskang hayop.
Sumala sa suspek, personal lamang matud pa niining hilig nga mobuhi og sama sa maong mga hayop ug wala matud pa niya kini ginabaligya.
Posible usab nga makasuhan ang maong lalaki sa paglapas sa Republic Act 9147 kon ang Wildlife Conservation and Protection Act.
