BUTUAN CITY – Sikop sa mga kapulisan ang usa ka 44 anyos nga lalaki kaganinang alas 5:10 ang takna sa hapon human kini nahuhaan og 8 gramos sa gituhuang shabu. Naila ang maong suspetsado nga si Arman Salon Bornales alyas Tata ug residente sa Purok 5, Brgy. Bading, Butuan City.
Gipatuman sa mga personahe sa City Drugs Enforcement Unit (CDEU) , Butuan City Police Office (BCPO) ang Search Warrant No. 2024-05-30-01 tungod sa paglapas niini sa RA 9165 kansa giisyu ni Hon. Isah J. Echem-Tangonan, Executive Judge, RTC 10th Judicial Region, Hall of Justice, Libertad, Butuan City ug pinetsahan niadtung Mayo 30, 2024.
Nakuha gikansa maong lalaki ang:
a. Lima (5) ka buok nga heat sealed transparent plastic sachet sa gituohang shabu;
b. Usa (1) ka buok nga coin purse kolor blue, pula ug berde nga kombinasyon;
c. Nagkadaiyang drug paraphernalia sama sa: Duha (2) ka buok nga lighter’s without flame guard nga adunay gitaod nga improvised aluminum needle ug usa (1) ka gigamit nga rolled aluminum fuel; ug
d. Cash money nga nagkantidad ug Php 2,330.00 sa lain-laing denominasyon.
Ang tanang nakumpiska nga gituohang shabu adunay gibana-bana nga kinatibuk-ang gibug-aton nga 8 gramos nga adunay Standard Drug Price nga Php 54,400.00.
Alayon niini, anaa na sa kustodiya sa City Drugs Enforcement Unit (CDEU) , Butuan City Police Office (BCPO) ang suspek ug mga nakumpiska nga butang alang sa tukmang disposisyon ug dokumentasyon.
