BUTUAN CITY – Gipasakaan na og kasong murder pinaagi sa inquest proceeings sa Bayugan City Police Station si Mario Fortun, ang responsable sa pagluba ug paglunggo sa iyang silingan nga si Rosalina Abing ningmi-aging udto sa Purok-1 Barangay Canayugan, Bayugan City, Agusan del Sur.
Sa eksklusibong pakighinabi sa Bombo Radyo Butuan, gibutyag ni Bayugan City Police Chief PLtCol. Shalom Faye Cornelio nga duna’y mga samad dinunggaban sa likod ang biktima kansa timaan lang nga duna pay komosyon ang duha adiser giputlan og ulo ang biktima.
Migawas sa ilang pakisusi sa responsable nga sa buntag pa lang, daan na silang nagkatinubagay sa biktima tungod sa mga makatunok nga tanom nga giputol matud pa ni Fortun tungod kay nakatunok sa iyang anak rason nga iyang gipabalhin sa biktima apan inay nga musanong, nasuko na hinuon kini dayong balikas ug gitawag nga kawatan si Fortun.
Gibiyaan lang matud pa kini ni Fortun kinsa misabay pa sa nag-party nilang mga silingan dayong pangutana kung gusto ba nila og regalo ug dihang misanong, mibiya kini ug mibalik nga bitbit na ang ulo ni Abing dayong tahan sa iyang kaugalingon ngadto sa mga barangay tanod nga anaa sa parte.
Samtang igo na lang sa pagmahay si Mario Fortun sa iyang gihimo dayong butyag nga dili niya madawat ang pagtawag matud sa sa biktima kaniya nga kawatan nga nadunggan sa iyang mga anak hinungdan nga iya kining gibalikan ug didto na niya kin brutal nga gipatay.
