BUTUAN CITY – Giluba sa usa ka 17-anyos nga ulitawo ang kauban niini sa Internet Cafe sa General Santos City, tungod kay gisungog matud pa kini nga baho og ilok. Makita sa CCTV footage sa Internet Cafe ang lima ka mga batan-ong lalaki sa sulod nga nagtapok ug nag dula og computer.
Makita usab sa maong video ang daw pag sungog-sungog sa biktima ngadto sa lalaki ug daw ginapabarog kini sa iyahang nahimutangan. Subay sa imbistigasyon, gibully matud pa sa biktima ang suspek sa niadtung tungura.
Dinhi na ning barog ang maong lalaki ug giluba sa likod ang nanungog niini. Wala na naka sagang pa ang biktima ug ning suksok nlang sa likod sa iyang mga kauban. Gisulayan pa sa lalaki og atake ang mga anaa sulod sa internetan, apan wala niya kini gidayon ug igo lamang nanghulga pinaagi sa pag-tilap sa gigamit niining pang-luba.
Alayon niini, gidala gilayon ang maong suspek sa Bahay-Pagasa sa Department of Social Welfare and Development Office (DSWD) tungod kay menor de edad pa man kini.
