BUTUAN CITY – Patay ang usa ka lalaki sa Barangay Bonbon ning syudad sa Butuan human matud pa kini gipusil sa makadaghang higayon sa nagkadaiyang parte sa lawas.
Naila ang biktima nga si Alfredo Orbita Jr., 44 anyos ang panuigon, dunay kapuyo, ug duna usay duha ka mga anak.
Sumala sa amahan niini nga si Alfredo Orbita Sr. nga duna matud pay nagpahibalo kaniya bandang alas 7 ang takna sa gabie, nga nadisgrasya matud pa ang iyahang anak. Dali niya kining giadtuan, ug dinhi na niini naabtan ang anak nga nagbuy-od na og nagkaduo, dugang niini nga duna pay kinabihi ang biktima sa iyahang pag-abot, apan nakabsan ra gilayon kini sa iyahang gininhawa.
Sumala sa amahan nga base sa iyahang naihap nga bala kansa anaa ra duol sa crime scene, ning kabat matud pa kini sa 12 ngadto sa 14 kabook.
Sigon niini nga duna matud pay kabingkil ang iyhang anak. Apan wala na kini ninghatag pa og dugang impoermasyon mahitungod sa maong sitwasyon.
Sa kasamtangan, padayon pa ang imbistigasyon sa mga otoridad sa maong panghitabo.
