BUTUAN CITY – Usa ka lalaki sa Uruguay nga nagpuyo na sa Italy ang mitala og Guinness World Records title tungod sa iyang pinasahi nga party trick – ang pagpalugwa sa iyang mga mata gikan sa mga sockets niini.
Sigon ni Williams Martin Sanchez Lopez, nga gikan sa Montevideo, Uruguay, ug nagpuyo na sa Milan, Italy, nakakat-on siya sa maong abilidad dihang nag-edad pa lang siya og 8 o kaha 9-anyos kondiin kaya niyang mapa-relax ang mga muscles palibot sa iyang mga mata hinungdan nga mugawas ang iyang mga eyeballs susama gayod sa usa ka cartoon character.
Mihimo na og official measurements ang iyang mga doktor ug nasuta nga ang iyang mga mata, kayang mulugwa gikan sa mga sockets niini hangtud sa .74 inches kansa igo na rason nga iyang nakuha ang titulong farthest eyeball pop male.
Ang makapahimuot pa kaniya kung iyang ipagawas ang iyang mga eyeballs, dili lang mutan-aw ang mga tawong anaa sa iyang duol, kondili manglukso tungod sa kakurat.
