BUTUAN CITY – Makita sa Singapore ang lalaking gibansagang bampira tungod sa pila ka dekada nga pagpabiling batan-on taliwa nga siya senior citizen na.
Si Chuando Tan, gibansagang “The Asian vampire”, “the man who never ages,” ug “Singapore’s hottest uncle, tungod kay human siya misikat sa tibuok kalibutan niadtong tuig 2017 tungod sa pagpabiling batan-on taliwa nga 50-anyos na siya niadtong higayuna, pabiling shock ang mga tawo dihang nag-post siya ug huglagway ingon man gi-interview pa atol sa iyang ika-60 nga birthday kondiin nakita nga wala gihapon siya mitiguwang.
Iya gihapong gibatunan ang dagway ug lawas sama sa mga lalaking anaa pa sa 20-anyos nga pangidaron nga maka-ingon ka nga wala siya malabyi sa panahon.
Bag-uhay lang ang-60-anos si Chuando Tan apan sa gihapon, ang iyang pamayhon daw pila ka dekada pa nga mas batan-on kaysa kadaghanang mga 60-anyos.
Iyang gibutyag nga wala siya mugamit og mga cosmetics ug plastic surgery aron lang mamintina ang iyang pamayhon kondili tungod kini sa iyang diyeta ug exercise.
Bisan og nalipay siyang gibansagan nga ageless man apan sa kinahiladman, nasayod siyang dili siya ingon niana ka batan-on.
