BUTUAN CITY – Sikat karon sa internet ang usa ka lalaking Espanyol kansang trabaho, mao nga bayaran sa mga bride arun lang gub-on ang ilang kasal ilabina kung dili pa sila andam nga mu-tubang sa ilang tam-is nga “OO” sa ilaha unyang pamanhonon.
Naila ang maong lalaki nga si Ernesto Varea, kansa bayaran sa mga babaye arun magpaka-arun ingnon nga uyab sila sa babaye sa adlaw sa ilang kasal.
Sigon ni Ernesto, daghan pang mga babaye ang miduol kaniya alang sa maong tabaho, diin ang uban pa gani kanila, gusto siyang bayaran alang sa longterm commitment. Dali ra ang trabaho ni Ernesto, diin sama sa mga pelikula, musulod lamang kini sa eksina kung mangutana na ang wedding officiant og duna bay mubabag sa kasal.
Sumala niini, ang iyang singil sa maong trabaho, mu-abot sa P30,747.59 gawas pa kini sa mga extra charges, ingon man mga ‘unexpected incidents’ sama sa tamparos ug kulata.
