BUTUAN CITY – Usa ka 36-anyos nga lalaki ang gibansagang “China’s most stubborn man” human mikuha og national college admission exam sulod sa 16 ka sunod-sunod nga tuig aron lang dawaton sa prestihiyusong Tsinghua University.
Nasayrang niadtong tuig 2009, mikuha si Tang Shangjun og gaokao, ang nailang pinakalisod nga college admission exam kondiin nakakuha siya og 372 points gikan sa 750, kansa ubos ra kaayo sa gi-set nga passing point sa iyang dream school, ang Tsinghua University.
Dili siya gustong makig-kompromiso, rason nga pila ka tuig siyang nagtuon dayong kuha og gaokao. Pag-abot sa tuig 2016, mi-improve ang iyang score ngadto sa 625 points, kansa igo na kaayo aron maka-secure og admission ngadto sa pipila ka unibersidad sa iyang probinsya sa Guanxi, apan kulang pa gihapon sa mga piniling majors sa Tsinghua.
Kini ang rason nga kada-tuig siyang nag-exam ug gipangbalewala ang ubang mga unibersidad apan wala gihapon siya’y planong muhunong aron lang makasulod sa Tsinghua University.
