BUTUAN CITY – Usa ka lalaki sa China ang nakamatikod nga duna’y daw nagkamang-kamang sa iyang ilong ang nakasinati una og bad breath sulod sa tulo ka mga adlaw adiser nadiskubrehang duna diay ok-ok nga mibara sa iyang trachea kon ubol-ubol. Aminado ang 58-anyos nga lalaki sa Haikou, Hainan Province, nga labaw pa sa hadlok nga urom ang iyang nasinatian tungod kay dihang sa iyang pagmata gikan sa hinanok ga pagkatulog, gibati naman niya nga daw duna’y nagkamang-kamang sa iyang ilong ug minaog pa sa iyang ubol-ubol hinungdan sa iyang pag-ubo ubo apan gibalewala lang niya kini.
Natingala na lang siya nga lain na kaayo og baho ang iyang ba-ba ug kolor yellow na ang iluwa niya nga hukal rason nga nagpa-checkup na siya. Una siyang mi-adto sa usa ka ear-nose and throat kon ENT specialist sa Hainan Hospital, apan sa examination sa upper respiratory tract wala’y nakitang kadudahan rason nga gi-refer siya ngadto sa usa ka respiratory ug critical care physician sa maong ospital ug gipa-ilalom siya sa chest CT scan.
Dinhi na nakita ang anino sa posterior basal segment sa iyang tuo nga lower lobe, kansa nagpasabot nga duna’y mibara nga foreign object hinungdan nga gipa-ilalom siya sa minimal invasive bronchoscopy. Sa maong procedure, nakita ang daw pako sa bronchus kansa naputos na sa plema ug dihang giyuop ang plema…dinhi na nasuta nga usa diay kini ka ok-ok!!!!.
