BUTUAN CITY – Nagtingkagol na karun sa prisuhan ang usa ka suspek human kini misurender ngadto sa kapulisan tungod sa pagpamusil nga gihimo niini sa nakalabay nga alas 8:00 sa gabii sa may Purok-1, Barangay Patin-ay, Prosperidad, Agusan Del Sur.
Boluntaryong mitahan ngadto sa Prosperidad Municipal Police Station ang suspek nga si Renaldo Afondat nga maoy mipusil sa biktimang si Bajun Sanchez parehong residente lang sa nahisgutang lugar.
Nasayran nga nag-inom sa ilimnong makahubog ang managsilingan sa dihang nahitabo ang pagpamusil sa wala pa matumbok nga motibo gamit ang wala pa matinong kalibre sa armas.
Nakahiagum og samad pinusilan ang suspek nga dali usab nga gidala sa D.O Plaza Memorial Hospital nga base sa nakuhang impormasyon, gi-refer kini sa laing tambalanan og anaa na sa luwas nga kondisyon.
