-- ADVERTISEMENT --
BUTUAN CITY – Patay nang nakit-an ang usa ka lalaki samtang naglutaw sa Baan Creek sa Purok 5, Barangay Buhangin, Butuan City, pasado alas 7:00 sa buntag kagahapong adlawa, Mayo 1, 2025
Giila ang biktima nga si Michael Gastador, 42 anyos, residente sa Purok 7 sa maong barangay.
Subay sa imbestigasyon sa Butuan City Police Office (BCPO), nananghid matud pa ang biktima sa asawa niini niadtung Abril 30 nga manguryente kini og isda.
Apan sukad niadto, wala na kini nakauli sa ilang panimalay.
Gituohan nga posibleng nakuryentehan si Gastador atul sa pagpangisda niini, hinungdan sa iyang kamatayon.
-- ADVERTISEMENT --
Sa kasamtangan, padayon pa ang imbestigasyon sa mga otoridad aron masuta ang tinuod nga hinungdan sa maong insidente
