BUTUAN CITY – Padayon pang gipanubayan sa Bombo Radyo Butuan ang sumbong sa usa ka netizen kalabot sa pagpabuto og armas sa usa ka lalaki atol sa pagsugat sa bag-ong tuig didto sa Cabadbaran City, lalawigan sa Agusan del Norte.
Sigon sa reklamante, dihang kamulo og pabuto sa firecrackers ang mga residente, nagpabuto maka-usa ka higayon sa iyang short firearm ang padayon pang gi-ila nga lalaki dayong kaway-kaway sa posibleng iyang mga ka-ila.
Gisundan niya kini og tulo pa ka pagpabuto dihang naglumba pagpa-krang krang sa ilang motorsiklo ang ubang mga lalaki ug lain pang usa ka buto adiser mihawa sa maong lugar.
Apil sa gisuta ang nakuhang impormasyon nga usa matud pa kini ka Civilian Armed Forces Geographical Unit kon CAFGU member nga nadestino sa Brgy. La Union sa maong siyudad.
