BUTUAN CITY – UPDATE: Gihatagan gayod og P1000,000 sa tag-iya sa usa ka takoyaki brand nga Taragis ang lalaki nga ning tuman gayud sa ilahang prank isip kabahin sa April Fools’ day kagahapong adlawa. Sumala sa post sa nasangpit nga takuyaki brand karong hapon lamang, agi sa facebook page niini, dako matud pa ang ilahang pag mahay sa gidangatan sa lalaki nga nailang si Tatay Ramil.
Kahinumduman nga gipatatoo gayud ni Tatay Ramil ang logo sa takoyaki store human nakita niini ang post sa maong tindahan nga mohatag sila og P100,000 sa pinaka una nga makasend kanila og litrato nga gipatatoo-an ang ilahang agtang sa ilang brand logo.
Apan ang maong post, dunay naka lakip nga ‘April Fool’s” sa ubos, pasabot nga kini, ilad lang.
Sumala pa ni tatay Ramil sa video, nga wala matud pa niini nakita ang ubos nga bahin sa maong poster, kansa dunay naka butang nga “April fools'” tungod kay naka pokus lamang kini sa mechanins sa maong ‘dula’.
Saysay pa niini nga gilayon siyang ning tuo sa maong post tungod kay nanginahanglan man usab siya og kwarta alang sa pang tuition sa iyahang anak og pang gasto usab sa anak niini nga dunay downsyndrome.
Alayon niini, nanawagan usab ang tag-iya sa maong tindahan sa mga sama niya nga content creators nga mamahimong responsable sa ilahang mga post online, tungod kay mamahimong maka hatag kini og kaahasul o kaha kadaot.
