-- ADVERTISEMENT --
BUTUAN CITY – Dili na ipa-otopsiya pa sa kabanay sa usa ka ulitawo ang hinungdan sa iyang kamatayon human napalgang naglutaw na sa lagoon sa Brgy. Obrero ning siyudad sa Butuan.
Naila ang biktimang si Eduardo Cuenca, 50-anyos og residente sa Purok 8, Slaughter sakop sa Brgy, Obrero ning siyudad.
Migawas sa pakisusi sa mga sakop sa Butuan City Police Station 2 nga nabatasan na sa biktima ang pagkatulog sulod sa culvert sa maong lagoon higayong mahubog.
Tungod niini, gitu-uhang wala na makamata pa ang biktima dihang misaka ang tubig sa lagoon nga posibleng miresulta sa iyang pagkalumos. (Beth Ruiz)
