BUTUAN CITY – Patay ang usa ka 35-anyos nga lalaki human giluba sa iyang nagselos nga ka-ipon didto sa Brgy. Dagami, lungsod sa Maasin, Iloilo.
Sigon ni Police Lieutenant Colonel Arnel Solis, tigpamaba sa Police Regional Office 6, nag-inom matud pa ang ang mag-live in partner nga sila alyas Anjo, 35-anyos ug ang 48-anyos nga si alyas Lina ka-uban ang ig-agaw nga babaye sa supetsado nga gitago lang sa pangalang Angie, nga maoy giselosan sa babaye.
Sigon ni Solis, sayo matud pang mibiya ang ig-gaw sa suspetsado ug pagkataud-taud nawala ang iyang ka-ipon ug dihang iyang gipangita, nakita niya kining nanuktok sa kwarto sa maong babaye.
Dinhi na mingitngit ang panan-aw ni Lina rason nga mikuha og kutsilyo dayong luba sa tiyan sa iyang ka-ipon hinungdan sa iyang kamatayon.
Gikostudiya na sa Maasin Municipal Police Station ang suspetsado nga pasakaan og kasong murder kondiin mabiyaan na unya ang ilang anak.
