BUTUAN CITY – Nasikop ang 22 anyos nga si alyas “Edu” sa Purok 4, Barangay Bangonay Jabonga, Agusan del Norte human gipatuman sa Regional Anti-Cybercrime Unit 13 (RACU 13) subay sa pagpanguna ni PCOL Lemuel B. Gonda, Regional Chief sa RACU 13, uban sa mga personahe sa Jabonga Municipal Police Station nga gipangulohan ni PLT Ella Mae B. Batobalonos, Officer-in-Charge ang Warrant to Search, Seize, and Examine Computer.
May kalabotan kini sa OSAEC (Online Sexual Abuse or Exploitation of Children) ug CSAEM (Child Sexual Abuse or Exploitation Materials t sa usa ka menor de edad.
Sa operasyon, nakaplagan sa forensic examiners ang daghang child sexual abuse ug exploitation materials (CSAEM) gikan sa digital devices sa suspek, nga klarong ebidensya sa kaso.
Si “Edu” karon nag-atubang sa mga kaso nga naglapas sa RA No. 11930 o Anti-OSAEC ug CSAEM Act.
