BUTUAN CITY – Humpid na sa NBA playoffs ang Los Angeles Lakers human kini giparot sa Denver Nuggets karong adlawa, Abril 30, pinaagi lamang sa 2-point lead, 108-106, nga maoy nag dala sa nuggets ngadto sa 4-1 victory series.
Nanginit ang palad sa mga mandudula tungod kay halos tag-1-point o 2-points raman ang labaw sa duha ka kuponan pag abot sa katapusang bahin sa 4th quarter.
Dugangan pa sa bibong kill-time rally sa duha ka kuponan nga gipangunahan ni LeBron James sa Lakers, kansa nagpaulan og 2 puntos gikan sa mga freethrow bandang 26 segundos nalang ang nabilin sa oras, rason nga diryot niining naapsan ang Denver sa iskor nga 106-106.
Apan nalabwan gihapon kini sa Denver sa dihang gidakdak ni Jamal Murray ang katapusang dos puntos sa 4 segundos nalang ang nabilin nga oras sa dula, rason sa hinanaling kaparotan sa Lakers alang sa playoffs. Nanguna sa maong dula si Jamal sa Nuggets nga dunay 32 puntos, ug si LeBron James usab sa Lakers nga nakapauwan og 25 puntos.
Alayon niini, gikahinaman na usab ang mahitabong panagsangka sa Denver Nuggets batok sa Minnesota Timberwolves nga ning parot usab sa Phoenix Suns ning nakalanbayng adlaw.
