BUTUAN CITY – Subling nag-atubang sa hulga sa lapad nga baha ang unom ka rehiyon sa Pilipinas tungod sa pag-ulan sa dakong parte sa nasud.
Ang mga nasangpit nga pag-ulan gidala sa padayon nga pagtunhay sa Northeast Monsoon og Shear Line.
Mahinumduman kaniadtong adlaw sa Sabado ang nag-inusarang mga rehiyon nga anaa sa ilawom sa flood warning nga gigawas sa weather bureau.
Apan, gidugang ang usa ka rehiyon sa Mindanao karung adlawa samtang nawala usab sa listahan ang Ilocos Region. Lakip na niini karun ang Cordillera Administrative Region; Cagayan Valley; Central Luzon; CALABARZON;, Bicol Region; og Davao Region.
Sa nasangpit nga rehiyon, gitambagan ang mga lokal nga gobyerno nga bantayan ang sitwasyon sa mga kasubaan tungod sa posibelidad nga pag-awas nga mo abot sa mga kabalayan nga anaa sa ubos nga lugar.
