BUTUAN CITY- Mingkabat na sa 62 ang kumpirmadong numero sa mga namatay sa ming-unlod nga roll-on roll-off kon RoRo vessel nga MV Trisha Kerstin 3 sa Basilan niadtong Enero 26.
Kini human nga naka-recover ang Philippine Coast Guard kon PCG technical divers og apat ka dugang nga mga patay’ng lawas sa ilang gihimong underwater operations kagahapong adlaw, Pebrero 17.
Gawas niini, adunay 17 pa nga nagapabiling missing. 293 usab ang una nga gi-anunsyong survivors.
“The PCG emphasizes that these figures are consolidated through the joint validation efforts of the Philippine National Police-Scene of the Crime Operatives (PNP-SOCO), City Disaster Risk Reduction and Management Office (CDRRMO), Coast Guard District Southwestern Mindanao (CGDSWM), and the affected families who conduct daily coordination with interagency search and rescue authorities,” sumala sa PCG.
Kahinumduman nga naggikan ang barko sa Port of Zamboanga City niadtong Enero 25 sa gabie og padulong unta kini Jolo, Sulu apan ming-tiklaob kini samtang anaa pa sa kadagatan nga sakop sa Basilan niadtong Enero 26 sa buntag.
Una na usab nga gibutyag sa Department of Transportation kon DOTr nga posibleng overloading ang rason sa maong trahedya.
