BUTUAN CITY – Giklaro ni Butuan City Mayor Ronnie Vicente Lagnada nga ang rason sa tinguha niyang lugwayan pa ang enhanced community quarantine dinhi sa Butuan, mugna sa pagkanat na coronavirus.
Kini human nga sa tulo ka mga nagpositibo sa COVID-19, ang kaso nga nakuha gikan sa pagtambong sa 6-cock derby sa Davao City ang mitala og pagkanat human nga sa dose nga nanambong nga gipa-ilalom na sa test uban ang ilang mga pamilya, duha ang nagpositibo.
Sa gipatawag nga press briefing kagabii sa may CIty Hall, gibutyag ni Mayor Lagnada nga sa pinaka-ulahing impormasyon nga iyang nakuha, duna matud pa’y 29 nga napa-ilalom sa rapid anti-body test sa Agusan del Norte apan nagpuyo ning si yudad ug sila ang iyang gitutukan karon bisan og kini mga mild cases lang.
Kini matud pa ang hinungdan nga gusto niyang lugwayan ang ECQ aron mas madugangan ug mapaspasan pa ang pagpahigayon sa rapid anti-body test ug ang reverse transcription – polymerase chain reaction kon RT-PCR test.
Sa pagkakaron, bugtong ang rapid testing pa ang kayang mahatag sa city government rason nga gipaspasan nila ang pag-secure sa reverse transcription – polymerase chain reaction kon RT-PCR machine apil na ang pagpalambo sa laboratoryo nga gipahimutang sa Butuan Medical Center kon BMC nga gila-umang matapos na sa umalabot nga duha ka semana.
Nag-order na usab ang siyudad og mga laboratory machines nga subject pa sa akreditasyon sa Department of Health kon DOH-Caraga Region.
Magbansay pa usab sila og mga medical staffs sama sa mga pathologists ug mga med techs kalabot sa molecular diagnostics system sa laboratory didto sa Research Institute for Tropical Medicine kon RITM.
