Laing COVID-19 patient sa Caraga Region namatay 3-oras human gi-admit sa ospital

BUTUAN CITY – Laing suspected COVID-19 patient na usab sa Surigao del Sur ang namatay.

Sa press release nga gipagawas sa Adela Serra Ty Memorial Medical Center sa Tandag City sa nasangpit nga probinsya, nakalatid nga namatay ang 60-anyos nga lalaking pasyente kagahapong adlawa.

Gika-ingong acute respiratory failure ang iyang gikamatyan tulo ka adlaw human kini gi-admit.

Gihulat pa sa kadumalahan sa maong balay-tambalanan ang resulta sa laboratory examination aron masayran kung ang kamatayon niini duna ba’y kalabutan sa COVID-19.

Pabilin usab ang panawagan sa kadumalahan sa maong ospital nga musunod kanunay sa mga minimum health standards sama sa pagsuot og face mask, paglig-on sa lawas, pagmintina sa social distancing ug uban pa.