BUTUAN CITY – Gikumpirma sa Israeli Defense Forces kon IDF nga ilang na-establisar ang kamatayon sa upat ka mga lalaking gidagit sa mga militanteng Hamas niadtong Oktubre 7 ning mi-aging tuig.
Ang upat dungan nga napatay atol sa Israeli operation sa Khan Younis sa southern Gaza ug ang ilang mga patay’ng lawas, gikuptan pa sa mga milit ante.
Naila ang mga biktimang sila British-Israeli Nadav Popplewell, 51-anyos, Chaim Peri, 79-anyos, Yoram Metzger, 80-anyos ug Amiram Cooper, 85-anyos.
Sigon ni IDF spokesman Rear Admiral Daniel Hagari, ang ilang nakuhang intelligence report ning nakalabay’ng mga semana maoy mikumpirma sa ilang assessment.
Niadtong Mayo, gikumpirma sa Hamas nga napatay si Nadav Popplewell sa usa ka Israeli strike niadtong Abril.
Samtang gibutyag sa United Kingdom Foreign Office nga padayon pa ang ilang imbestigasyon ug wala pa’y kumpirmasyon kalabot sa iyang kamatayon hangtud karon.
