BUTUAN CITY – Gi-transport na padulong ning siyudad sa Butuan ang 16 ka bloke sa floating cocaine nga napalgan kagahapon sa alas-singko sa hapon sa baybayon sa Purok 2, Brgy. Handamayan, lungsod sa Lingig, lalawigan sa Surigao del Sur.
Kini aron masusi sa mga sakop sa Philippine Drug Enforcement Agency kon PDEA-Caraga og aron ipresenta kang Police Regional Office-13 director Police Brigadier General Gilberto ‘DC’ Cruz.
Sigon ni Police Col. Francisco Dungo – provincial director sa Surigao del Sur Police Provincial Office, napalgan ni Jolan Basadre Pocot, 25-anyos, minyo ang floating cocaine nga gibudbod sa itom nga packaging susama sa mga una nang nakita sa ubang bahin ning rehiyon.
Dugang pa sa opisyal, bisan og susama kini sa mga una nang napalgang floating cocaine sa ubang bahin ning rehiyon, susihon pa gihapon kini sa Philippine Drug Enforcement Agency kon PDEA-Caraga og isubmite kang RD Cruz alang sa tukmang disposasyon.
Nasayrang tungod sa kalayo sa maong lugar, gisunod pa kini sa iyang mga sakop gamit ang bangka og aron madala na usab ang mangingisdang nakakita niini sa ingon, mahatagan og tukmang award ni General Cruz.
