BUTUAN CITY – Gibatikos sa labor group ang desisyon sa Commission on Election nga lakipon si Kingdom of Jesus Christ Pastor Apollo Quiboloy sa Senatorial Race alang sa 2025 elections.
Kahibaloang sulod sa 19 ka palid nga petition sa Wokers and Peasand Party nga gipangunahan ni Sonny Matula ang pagkondina niini sa Supreme Court nga i-deklara si Quiboloy isip nuisance candidate ug ang sugyot nga i-desqualify kini sa nagkaduol nga bugnong lugaynon. Sumala sa grupo nga nagpakita lamang matud pa ang COMELEC og double standard sa pag-apply sa procedural rules.
Subay sa maong grupo nga strikto ra matud pa ang maong grupo sa ubang mga kaso kon itandi sa kaso ni Quiboloy. Nakalatid usab sa nasangpit nga reklamo nga tungod sa maong inconsistency nga gipakita sa COMELEC, mamahimo matud pang mahugawan ang prensipyo sa kaangayan, patas nga proteksyon, ug pagsunod sa lagda sa balaod sa demokratikong proseso. Alayon niini, wala usay komento ang kampo ni Quiboloy mahuitungod sa reklamo sa nahisgutang labor group.
Apan sumala sa abogado sa Pastor nga si Atty. Ferdinand Topacio, naglaum na lamang matud pa silang wala gamita ni Matula ang kagahum niini isip opisyal sa korte arun mosikat ang pangalan niini alang sa umalabot nga eleksyon.
Sayrang usa usab si Matula sa mga Senatorial aspirant karong May 2025 election.
