BUTUAN CITY- Namunga lang gihapon ang labing karaan nga kahoy sa kalibutan nga anaa nahimutang sa Ano Vouves sa Crete, Greece-usa ka karaang katingalahan sa kinaiyahan, diin giisip nga labing karaan nga olive tree.
Kini bisan paman nga kapin sa 3,000 na ka tuig ang edad niini, padayon gihapon nga namunga ang punoan, ingon man nga mas tigulang pa kini kompara sa Parthenon ug Alexander the Great.
Bisan pa sa liboan ka tuig, nagpabilin nga lig-on ug nagpadayon sa pagpatunghag mga olives matag tuig. Sa pagkakaron, ang mga siyentista adunay dako nga pangutana bahin sa eksaktong edad niini tungod kay ilang nasayran nga walay heartwood ang punoan.
Ang higanteng kahoy, nga adunay serkumperensiya nga 12.5 metros, usa ka protektadong monumento nga gibisita sa 20,000 ka turista matag tuig.
