BUTUAN CITY – Nasuta gikan kang Department of Migrant Workers kon DMW Secretary Hans Leo Cacdac, nga ang Kuwaiti nga suspek sa pagpatay sa overseas Filipino worker kon OFW nga si si Dafnie Mates Nacalaban, 35-anyos, kinsa napalgan na lang nga nadugta na sa lagwerta sa iyang amo, mao usab ang suspek sa pagpatay sa iyang Filipina girlfriend.
Nasayrang duha ka buwan nang na-missing si Dafnie ug napalgan ang iyang patay’ng lawas sa mga Kuwaiti authorities niadtong Disyembre 28 ning mi-aging tuig 2024, human gisumbong si Jarrah Jassem Abdulghani, sa iyang manghod nga maoy mipatay niini.
Madumdumang na-deploy si Dafnie sa Kuwait niadong Disyembre 2019 ug natapos ang kontrata niya sa katapusan niyang employer on record nga si Fawaz Satarn Muhawish Alduways niadtong Oktubre 16 sa susamang tuig. Padayon pang gi-imbestigahan sa Migrant Workers Office sa Kuwait ang hinungdan sa iyang pagkamatay ug ang relasyon niya kang Jarrah.
Nasayrang ang ka-ipon ni Dafnie nga si Bonifacio Balucos Jr., miduol sa buhatan ni Senador Raffy Tulfo niadtong Enero 2 ning tuiga tungod kay tulo ka buwan na ang nakalabay dihang katapusan niya kining naka-istorya.
