BUTUAN CITY- Gikumpirma sa Department of Justice nga opisyal ug subli na nga gibalhin sa departamento ubos sa Witness Protection Program ang kustodiya kang kanhi Department of Public Works and Highways Bulacan 1st District Engineer Henry Alcantara.
Kini subay sa pormal nga pagsumite og letter kang Senate President Vicente Sotto III kalabot sa pagbalhin sa kustodiya sa kanhi opisyal. Hinungdan nga anaa sa ‘protective custody’ na sa maong programa si Alcantara apan sumala ni Justice Secretary Fredderick Vida, nga dili na kinahanglang ipa-ambit pa kung asa kini nga lokasyon dalhon.
Usa si kanhi Public Works Engr. Alcantara sa mga napili sa departamento nga mahimong ‘state witness’ sa nagpadayon nga imbestigasyon sa flood control. Gawas kang Alcantara, testigo sa estado usab sila si kanhi Public Works Usec. Roberto Bernardo, Gerard Opulencia ug ang kontratistang si Sally Santos.
Gisiguro usab sa Department of Justice nga magbaling bukas ugaling kinahanglan nga mo-atubang ni Alcantara sa opisina sa ahensya.
Ang tumong matud pa sa pagbalhin sa kustodiya ug pag-paubos sa program, aron masiguro nga mamugna ang mga kasong ipasaka batok sa mga nalambigit nga indibidwal.
