BUTUAN CITY – Mitala na og mga danyos og injuries ang magnitude 5.5 nga linog nga mitay-og kaganinang alas-4:42 sa kaadlawon sa lungsod sa Cortes, Surigao del Sur.
Sigon ni Johanne Keziah nga taga-Madrid, Surigao del Sur, gi-refer na sa Tandag City ang iyang igsoong si Yenyen nga unang gidala sa district hospital sa ilang lungsod aron magamit human na-igo sa nabuak nga mga samin sa ilang divider.
Gitabunan matud pa ni Yenyen ang anak niining si Thyne rason nga na-igo sa iyang lawas ang bildo sa nabu-ak nga samin sa divider.
Gi-refer na siya sa Tandag City aron masusi og maayo human gidudahan sa doctor nga posibleng duna’y nakasulod nga bildo sa iyang lawas duol sa iyang kidney.
Angol usab ang usa ka lolo sa Madrid human na-igo ang iyang ulo sa nabuak nga samin sa TV set human niya gitabunan ang iyang apo .
Duna usa’y natalang mga damyos sa mga simbahan sa lungsod sa Carasscal og Madrid gawas pa sa nahulog nga mga gamit sa Madrid District Hospital sama sa natumbang oxygen tanks og nahulog nga mga tambal og tubig.
