Kumander sa New People’s Army nga nag-atubang sa daghang warrant of arrest, napalgang patay sa Surigao Del Sur

BUTUAN CITY – Gi-atiman sa probinsiyal nga kagamhanan sa Surigao Del Sur ang patay’ng lawas sa kumander sa walhong grupo nga napalgan na lang nga wala nay kinabuhi sa Sitio Mahanon, Brgy Maitom, Tandag City, Surigao del Sur sa nakalabay nga adlaw, Setyembre 16, 2022.

Kini aron usab mahatagan og disenteng lubong. Nasayrang nakaplagan na lang nga wala nay kinabuhi ang lider sa New People’s Army kon NPA nga si Noel Tumarlas Alacre, sa subay sa Purok Carmelo, Sitio Mahanon, Brgy Maitom, Tandag City, Surigao del Sur.

Sigon ni POLICE COLONEL DENNIS SIRUNO, Officer-In-Charge sa Surigao del Sur Police Provincial Office nga nakadawat og tawag ang Tandag City Police Station gikan kang Carlito Cedron, Barangay sa of Barangay Maitom, Tandag City diin nag-imporma sa nakit-ang patay’ng lawas sa maong lugar. Nakasoot kini og itom nga butas og itom nga  sweatshirt nga dunay logo sa New Peoples Army.

Ang miresponding mga personahe sa 36^th Infantry Batallion, Philippine Army ang miila usab nga kini mao si  alyas MEGAN. Ang kamatayon sa high value target NPA leader tungod matud pa sa hot pursuit operations nga gilusad sa Philippine National Police og 36^th Infantry Batallion rasong napugos ang mga rebelde nga motabok sa  suba sa Tandag niadtong gabii sa Setyembre 15, 2022 bisan og dako ang baha tungod sa pag-ulan.

Pasado alas 2:26 sa hapon sa Setyembre 16, 2022, ang mga personahe sa Tandag City Police Station og 36th Infantry Batallion nakarekober sa patay’ng lawas. Lakip sa nakuha niini ang usa ka  R4A3; lima ka steel magazine; usa ka plastic magazine; usa ka bandolier; 173 ka bala sa 5.56mm; usa ka backpack; 9 ka keypad phones; tulo ka smartphones; 14 ka flash drive; usa ka bodycam; lima ka subversive notebooks; duha ka packs sa acupuncture needles; 43 ka assorted simcards; og 8 ka SD cards.

Nasayran nga Nag-atubang kini og 28 ka Warrants of Arrest sa nagkadaiyang kasong kriminal. Kini mao ang 12 ka ihap sa murder, 8 ka ihap sa attempted murder, 3 ka ihap sa frustrated murder, duha ka ihap sa slighet illegal detention, usa ka ihap sa kidnapping og ang Serious Illegal Detention, Arson, og Abduction.