Kulang nga oxygen, initial diagnosis sa DA sa nangamatay nga mga pato sa Butuan City

BUTUAN CITY – Ang kulang sa oxygen ang initial diagnosis sa Department of Agriculture (DA) Caraga sa sunod-sunod nga pagkamatay sa mga pato sa pamilya Enciso sa Purok 3-A, Brgy. Holy Redeemer ning siyudad sa Butuan.

Gipahayag ni Emilou Presilda – tigpamaba sa nasangpit nga ahensya sa eksklusibong interview sa Bombo Radyo, base sa ilang pagsusi, daghan ra ang ihap sa maong mga bibe nga overcrowded na sa ilang kulungan.

Gawas niini dili usab plantsado ang ilang gibutangan ug walay saktong suplay sa tubig.

Sukad matud pa nga ilang nabisitahan ang maong lugar, wala nay mga pato nga namatay. (Beth Ruiz)