BUTUAN CITY – Mag-atubang og kasong aggravated murder ang 22-anyos nga suspek sa pagpusil-patay kang Charlie Kirk nga si Tyler James Robinson kinsa pormal nga kasuhan sunod semana.
Ang pagka-aresto kang Robinson, gipahibalo mismo ni Utah Governor Spencer Cox human nga gitugyan kini sa iyang amahan human namay-ungan ang nanggawas niining mga hulagway nga gipagawas sa Federal Bureau of Investigation kon FBI.
Gika-ingong mikumpisal ang suspek ngadto sa iyang amahan kinsa maoy nag-awhag kaniyang musurender apan mirason pa kini sa sinugdanan nga mas pili-on niining magpakamatay.
Mitawag na ang iyang amahan sa usa ka batan-ong pastor nga mao usa’y mitawag sa US Marshals, nga maoy nag-secure sa suspetsado hangtud nga gikostudiya na kini sa FBI.
Nasayran pa gikan sa kabanay ni Robinson nga mas political na kini sa nakalabay’ng mga tuig ug mipa-ilalom kini sa electrical apprenticeship apan dili kini estudyante sa unibersidad diin natigayon ang pagpamusil.
