BUTUAN CITY – Gi-isolate karon sa ospital si “Queen of All Media” Kris Aquino tungod sa iyang autoimmune condition.
Sa iyang Instagram account, nag-update si Kris sa iyang health condition, kondin iyang gipadayag nga n-ospital siya tungod sa pag-ubos sa iyang white blood cells count ug duna usab siya’y bad allergic reaction sa katapusan niyang antibiotic apan maka-tolerate pa siya niini. Kini nagpasabot nga wala na siya’y pangbatuk sa bisan unsa mang viral o kaha bacterial infection rason sa iyang isolation.
Daghan matud pa og mga patakaran nga sundon ang iyang pamilya ug mga higalang gusto siyang du-awon ug kini ang rason nga masulub-on siya karon.
Apan dili matud pa siya musurender tungod kay dili siya gustong madismaya ang mga nag-ampo alang sa iyang kaayuhan ug dili siya gustong masultihan nga gibalewala lang niya ang panahon nga gi-ampo siya sa mga tawong nahigugma kaniya.
Gipadayag usab ni Kris nga mipa-ilalom siya sa invasive surgery sa Makati Medical Center ug misaad nga padayon siyang makigbatuk alang usab sa iyang mga anak nga sila Josh ug Bimby.
