BUTUAN CITY – Gihangyo karon sa gobyerno sa Pilipinas ang Korte Suprema nga ibasura ang writ of habeas corpus petition nila Congressman Paolo ‘Pulong’ Duterte, Davao City Mayor Sebastian ‘Baste’ Duterte ug manghod nilang si Veronica ‘Kitty’ Duterte human gi-aresto ang ilang amahang si kanhi Pangulong Rodrigo Duterte tungod sa kawala matud pa’y merito ug pagka-moot matud pa niini.
Base sa pleadings nga gisubmite ni Department of Justice officer-in-charge Undersecretary Nicholas Felix Ty, wala na matud pa’y bili nga debatihan kini sa Korte Suprema ug magpagawas og writ of habeas corpus tungod kay gikostudiya na ang kanhi pangulo sa detention facility sa International Criminal Court kon ICC.
Dihang giduso matud pa ang petisyon, wala na sa kostudiya sa Pilipinas ang kanhi pangulo ug mapatuman lang ang habeas corpus dinhi sa Pilipinas, rason nga makonsidera na kining moot and academic.
Bisan matud pa og dili ikonsiderang moot and academic ang petisyon, wala matud pa kini unlawful restraint tungod kay ang pagpatuman sa international court warrant, nasubay man sa Section 17 sa Republic Act 9551 kondiin opsyon sa gobyerno nga isurender sa International Criminal Court ang si bisan kinsa mang indibidwal nga nga nalambigit sa dakong kaso.
Sigon sa tigpamaba sa Korte Suprema nga si Atty. Camille Sue Mae Teng, kinahanglang muhatag og komento ang panig sa mga Duterte kalabot niini sulod sa lima ka mga adlaw.
