BUTUAN CITY – Nakig-alayon na ang Police Regional Office kon PRO-13 ngadto sa kapulisan sa Bislig City sa lalawigan sa Surigao del Sur aron mahatagan sila og furnished copy sa arrest warrant nga gipagawas sa korte batuk kang Kabus Padatoon kon KAPA Community Ministry International Incorporated founder Joel Apoliario ug sa iyang mga ka-ubanang opisyal.
Sa eksklusibong pakighinabi sa Bombo Radyo Butuan kang PMajor Renel Serrano – information officer sa maong buhatan, gibutyag niining kagahapon pa sila nakadungog niini nga impormasyon apan wala pa sila’y nadawat nga kopya sa arrest warrant rason nga wala pa sila’y mahimong tukmang lakang ilabina ang pagsikop kang Apolinario.
Higayong ila na matud pa kining madawat, ila gilayon kining i-upload sa e-warrants sa PNP aron makita sa tanang mga police stations sa tibuok nasud ug maoy gamiton pag-aresto sa mga responsable higayong makita sa ilang area of responsibility.
Apil sa gipa-aresto sa korte ang asawa niining si Reyna og ilang mga ka-ubanang gilangkuban nila Marisol Diaz, Adelfa Fernandico, Moises Mopia ug Reniones Catubigan.
Ang warrants of arrest gipagawas human magpasaka ang mga prosecutors og kasong kriminal ngadto sa Department of Justice kon DoJ tungod sa pagsupak sa KAPA sa Republic Act No. 8799 kon mas nailang Securities Regulation Code
