BUTUAN CITY – ‘Itinago man,lilitaw pa rin’. Kini karon ang caption sa mga bashers human mikaylap ang gitago-tago nga invitation card alang sa birthday party ni Pangulong Ferdinand ‘Bongbong’ Marcsos Jr., nga gipahigayon sa Marriot Hotel sa Pasay City niadtong Biernes, Septembre 13.
Gi-ulan og batikos ang maong party human gikumpirma sa Malakanyang nga ang English pop rock band nga Duran Duran ang naghatag og lingaw sa mga bisita ug wala matud pa’y gasto niini ang gobyerno tungod kay treat kini sa mga higala sa presidente apan nasuta nga gibayran matud pa og P39,000,000.00 ang talent fee sa maong banda.
Sa iyang sunod-sunod nga Facebook posts, gi-angkon ni Sass Rogando Sasot, usa ka vlogger ug supporter ni kanhi Pangulong Rodrigo Duterte, nga gidala sa Marriot Hotel ang mga membro sa bandang Duran Duran aron muhimo og private concert alang sa birthday sa pangulo.
Nanawagan pa ang maong vlogger ngadto sa mga Filipino nga musalmot sa maong tigom tungod kay buhis matud pa sa katawhan ang gigasto niini.
