BUTUAN CITY – Nahimo karong center of attraction sa Northampton, England, ang kolor bright green nga pigeon tungod sa makadani niini nga kolor nga mao pa sukad-masukad nakita.
Nasayrang una kining nakita niadtong Hunyo, ug sukad niadto, daghang mga video niini ang nag-viral sa TikTok ug sumala sa mga residente, daghang mga tawo ang mag-adtuan sa ilang dapit aron lang makakita sa maong langgam.
Ang uban sa mga turista gikan pa sa London, ug daghan usab nga gikan sa ubang lugar ang midayo aron lang tan-awon ang maong langgam nga maoy nagpasikat na usab karon sa Northampton kansa dili iladong tourist spot.
Gitu-uhan sa uban nga resulta kini sa gikaon sa pigeon samtang duna usa’y nagtuo nga gitina lang ang balahibo niini.
Apan daghan ang dili mutuo nga gitina o kaha gipintalan kini tungod kay daan ang nagbahad ang Royal Society for the Prevention of Cruelty to Animals nga delikado kini alang sa mga langgam.
