BUTUAN CITY – Dayag nga gihimakak sa mga abogado ni Kingdom of Jesus Christ (KOJC) leader Pastor Apollo Quiboloy nga nasikop matud pa ang maong pugante, kini human nga nakugang ang tanan sa kagahapong adlawa sa social media post ni Department of Interior and Local Government (DILG) Secretary Benhur Abalos nga “nasikop” na matud pa si Pastor Quiboloy, rason nga nagkadipo-dipo ang tanan sa mga pangutanan kon asa dapit nadakpan ang nasangpit nga lider.
Alayon niini, derektang gihimakak ni SMNI Host Dr. Lorainne Badoy atul sa programa niini sa nasangpit nga chanel, kansa mao usab ang media arm sa Kingdom of Jesus Christ nga wala na-aresto si Quiboloy, kundili ning surrender matud pa kini. Alayon niini, gitawag usab ni Atty. Ferdinand Topacio, legal counsel ni Quiboloy, si Secretary Abalos nga “epal” kon attention grabber tungod sa giluwatan niini.
Sa kasamtangan, anaa na sa kustudiya sa Kampo Krame si Quiboloy kauban ang upat ka mga kaubanan niining pinagita sa balaod subay na usab sa pamahayag ni Police Colonel Jean Fajardo, tig pamaba sa Philippine National Police. Si Quiboloy kasamtangang nag-atubang sa kasong paglapas sa Section 5(b) ug Section 10(a) sa Republic Act 7610 o ang Special Protection of Children Against Abuse, Exploitation, and Discrimination Act.
Gihika usab ang maong pastor sa Pasig City Court human kini gi-akusahan nga nalambigit sa human trafficking kansa paglapas sa Section 4(a) sa Republic Act No. 9208 ug walay girekomendar nga piyansa.
