BUTUAN CITY – Duna matud pa’y komosyon kaganinang kaadlawon sa Kingdom of Jesus Christ kon KOJC compound tungod sa pag-ukupa na niini sa mga pulis ilabina sa ilang simbahan kondiin wala na sila pasudla alang unta sa ilang pagsimba subay sa ika-39 nga anibersaryo sa ilang simbahan.
Sigon ni KOJC member Joel Vigilia, giwagtang matud pa sa kapulisan ang ilang religious freedom human nga gibabagan sa mga pulis pagpasulod ang gi-abangan nilang sound system. Padayon gihapon ang ilang pag-ampo aron mahatag na kanila ug dili na babagan ang ilang religius freedom. Bisan wala matud pa nila naka-uban karong tuiga si Pastor Apollo Quiboloy apan masaligon ang kinatibuk-an matud pang kingdom nation nga malabangan ra nila kini nga mga pagsulay.
Giklaro usab ni Vigilia nga dili kang Pastor Quiboloy ang ilang simbahan kondili ilang tanan nga mga membro tungod kay silang tanan matud pa ang naningkamot nga mapabarog kini aron duna sila’y lugar nga ilang ampuan.
Padayon matud pang mihimo og legal moves ang ilang mga abogado hangtud nga maresolba ang sitwasyon karon sulod sa ilang compound.
Kini ilabina nga padayon ang pagsuhid sa kapulisan nga karon kapin na sa usa ka semana taliwa nga kaya ra matud pa kining suhiron sa kapin 3-mil ka mga pulis sulod lang sa pila ka mga oras.
Si Kingdom of Jesus Christ kon KOJC member Joel Vigilia.
