BUTUAN CITY – Pursigidong mupasaka og kaso si Jonas Tibayan, ang forward sa Mindoro Tamaraws bisan pa man nga gipahamtangan na og lifetime ban sa Maharlika Pilipinas Basketball League kon MPBL ingon man multa nga mu-abot sa ₱200,000 si Michole Sorela sa koponang GenSan Warriors.
Kini human ang bayolenteng insidente atol sa ilang dula niadtong Lunes, Agusto 11 sa Batangas City Coliseum kondiin atol sa third quarter, gisumbag siya ni Sorela sa nawong hinungdan nga nakasinati siya og concussion, broken jaw, nagisi pa ang wa-it ug nalisa ang iyang bukton human natumba.
Dali siyang gidala ngadto sa New Era Hospital sa Manila kondiin nagmalampuson ang iyang medical procedures rason nga anaa na siya sa luwas nga kahimtang.
Posible usab nga mag-atubang si Sorela ug pag-revoke sa iyang lisensya gikan sa Games and Amusements Board (GAB), nga maoy nagdumala sa professional sports sa Pilipinas.
