BUTUAN CITY – Tingkagol sa karsel sa San Nicolas Municipal Police Station sa Ilocos Norte ang usa ka pulis human niini gipusil ang usa ka barangay kagawad ug ang ka-ipon niini sa Brgy 21 kagahapon.
Patay on-the-spot ang mga biktimang sila Kagawad Joshua Madambat, 27-anyos, ug ka-ipon niining si Eloisa Jane Bonilla, 30-anyos, human gipamusil sa minyo nga police corporal samtang anaa sa balkon sa ilang balay.
Residenta matud pa sa lungsod sa Badoc, Ilocos Norte ang suspetsado ug na-assign sa police provincial office sa maong lalawigan.
Sigon sa inahan sa barangay kagawad, nag-istorya istorya lang sila sa balkon dihang mi-abot ang naka-bonnet nga riding-in-tandem suspects nga gitu-uhan pa nilang mag-deliver og parcel dayong pamusil resulta sa hinanaling kamatayon sa mga biktima.
Narekober sa crime scene walo ka gitiro na nga cartridge ug duha ka basiyo sa kalibre .45 nga pistola.
Gika-ingong love triangle ang motibo sa kremin apan padayon pa gihapong gipanubayan sa kapulisan.
