BUTUAN CITY – Suspendido karong adlawa ang klase sa tanang ang-ang sa mga tunghaan sa Surigao City og mga lungsod sa San Francisco, Sison, Malimono, Tagana-an, og Mainit sa lalawigan sa Surigao del Norte human gitay-og sa magnitude 5.9 nga linog kagahapon sa buntag.
Kini base na sa kamanduang gipagawas ni Governor Sol Matugas aron maseguro ang kaluwasan sa mga estudyante og matugutan ang mga school administrators nga ma-assess ang damyos nga hatud sa maong pagtay-og diha sa mga tunghaan.
Gikumpirma usab ni Surigao City Vice Mayor Alfonso Casurra nga patay sa linog ang 65-anyos nga si Socorro Celis sa Narciso corner Lopez Jaena Sts. human na-cardiac arrest tungod sa kakulb a atol sa linog.
Sigon sa PhiVolcs, kabahin gihapon kini sa aftershock sa magnitude 6.7 nga linog niadtong Pebrero 10.
Base sa listahan sa Surigao del Norte Provincial Disaster Risk Reduction and Management Office kon PDRRMO, unom ka mga balay daplin na ang totally damaged samtang halos usa ka gatus usab ang partially damaged sa mga lungsod sa Sison og San Francisco apil na sa Surigao City . (Beth Ruiz)
