BUTUAN CITY – Wala na’y saktong tulog ang mga Pinoy nga atua sa Mexico human gitay-og sa magnitude 8.2 nga linog kagahapon. Usa na niini si Angele Dianon Pialago kinsa pila ka tuig nang nagtrabaho og nagpuyo sa Mexico City ka-uban ang iyang anak nga lalaki.
Gibutyag ni Pialagoa nga misakit ang iyang tiyan tungod sa kalisang human nga subling gitay-og sa kusog nga mga aftershocks ang ilang lugar.
Dako ang pagpasalamat ni Pialago nga tungod sa kahagok sa iyang pagkatulog uban sa iyang anak nga si Jared dihang unang mitay-og ang magnitude 8.2 nga linog, wala niya mabati ang kalisang nga gibati sa mga tawong nakasaksi sa kusog nga pagtay-og.
Gibutyag usab niining sukad kagahapon og hangtud karong Lunes, kanselado ang klase sa ilang siyudad. (Beth Ruiz)
