BUTUAN CITY – Suspindedo na ang klase sa mga university og public schools sa Kuwait tungod sa nasinating pag-atake sa Iran.
Sigon ni Bombo International News Correspondent Geraldine Mandam, taga Lawigan, Tubay, Agusan Del Norte, nga online lang ang klase karun tungod sa gipatumang suspension samtang kanselado usab ang flight pasulod og pagawas sa Kuwait.
Gipahimangnoan usab ang katawhan nga magpuyo lang sa panimalay samtang gikansela usab ang pag-ampo diha sa mosque. Sumala pa niini nga sulod sa 12 ka tuig niya sa Kuwait, karun lang siya nakasinati nga gi-atake ang maong nasud.
Kini ilabina kay dool ra sa siya sa airbase diin kada pagbusikad, mabati pa gyud nila ang linog.
Tungod niini, Hilabihan usab ang iyang kabalaka apan kanunay matud pa silang alerto. Bisan paman sa maong pag-atake, normal pa gihapon ang trabaho sa maong nasud.
Samtang wala usay nag-panic buying og pagkon tungod kay gibutyag man sa gobyerno nga igo ang suplay sa ilang pagkaon. Apan sa tubig, gilimitahan nalang sa 5 ka boxes ang mapalit sa matag kustomer./
