BUTUAN CITY – Temporaryong gisuspinde una paglawig sa mga sakyanang pandagat nga naglawig gikan sa San Jose, Dinagat Islands ngadto sa Surigao City tungod sa Bagyong Falcon.
Alayon niini, ang mga sakyanang pandagat nga dunay gibug-atong 35-gross tonnage gimanduang dili una mulawig aron masiguro ang kaluwasan sa kinabuhi ug propiedad diha sa kadagatan.
Gawas sa suspensyon sa biyahe sa kadagatan, gisuspende na usab ni San Jose Mayor Yngwie Hero Ecleo ang klase gikan sa kindergarten, elementary, junior og senior high schools sa tanang mga public and private schools nga gisugdan niadto pang Lunes tungod gihapon sa bagyong Falcon.
Samtang sa lungsod sa Basilisa sa susamang isla, gisuspende na usab ang klase sa pre-school og elementary levels dayong tambag sa mga magtutudlo nga i-facilitate ang pagpa-uli sa ilang mga estudyante.
