-- ADVERTISEMENT --
BUTUAN CITY – Upat na ka mga lungsod sa Agusan del Sur ang nagsuspende na sa ilang klase tungod sa padayong pag-ulan nga hatud sa shearline ug easterlies.
Kini human nagpagawas og executive order kaganinang buntag si Bunawan Mayor Sylvia Elorde og suspensyon sa klase sa tanang levelsa pribado ug pampublikong tunghaan aron masiguro ang kaluwasan dili lang sa mga magtutungha kondili apil na sa mga magtutudlo ug sa mga non-teaching personnel.
Magpabilin matud pa ang suspensyon sa klase hangtud nga dili tangtangon ang maong executive order. Kagahapon, una nang nagsuspende sa ilang klase ang mga lungsod sa La Paz, Loreto ug Veruela sa susama gihapon nga rason.
