BUTUAN CITY – Tungod sa padayong pag-ulan nga hatud sa shearline, dunay mga lokal nga kagamhanan nga nagdeklara og pagsuspendi sa klase.
Ang local government unit sa Tandag City nagpagawas ug sunod-sunod nga mga advisory diin unang gisuspinde ang klase gikan sa Kindergartin hangtud sa secondary sa public og private nga tunghaan.
Ang maong advisory gisundan sa pagmandu sa suspension sa college level.
Gisudan pa kini sa deklarasyong pagsuspinde sa trabaho sa gobyerno og pribadong buhatan.
Apan walay labot niini ang mga opisina og personahe nga nalambigit sa disaster response, emergency, og essential services samtang ang mga head sa mga opisina og ahensiya gimanduan nga magtudlo og skeletal emergency teams aron mamintina ang paghatag og disaster related operation ugaling gikinahanglan.
Nasayrang nagpatuman na usab og PRE-EMPTIVE EVACUATION sugod kaganinang alas 5:00 sa buntag sa mga residente nga nagpuyo dool sa baybayon diin nag-provide ang Tandag City Government og mga sakyanan sa matag barangay alang sa mga indidbiwal nga adunay espesyal nga panginahanglanon sama sa mga mabdos, mga senior citizens, ug mga persons with disabilities (PWDs).
