BUTUAN CITY – Sugdan gilayon sa Russia ingon man sa Ukraine ang ceasefire negotiations, kini ang gikataho ni American President Donald Trump human sa duha ka oras nilang panag-istorya sa Presidente sa Russia nga si Vladimir Putin.
Sumala sa Presidente sa Russia nga andam na matud pa siyang makig-kompromiso sa Ukraine human sa ilahang prangka nga panag-istorya ni Trump, nga sumala niini, nasuko na matud pa kaniya. Sumala sa mga political analyst nga hangtud wala matud pa nagpatung og lain ug mas bug-at nga pressure si Trump sa Russia, wala matud pay angay isanung si Putin sa ceasefire negotiations tali sa Ukraine.
Sayran nga walay nahimong negotiation deal ang Russia ingon man Ukraine sa ilaahng face-to-face talks sa Istanbul, Turkey niadtung Byernes.
