BUTUAN CITY – Mutambong sila King Charles, Queen Camilla ug British Prime Minister Rishi Sunak sa duha ka adlaw nga kalihukang himuon sa United Kingdom ug France isip timaan sa ika-80 ka tuig nga kasumaran sa Normandy landings kansa himuon sa Portsmouth.
Madumdumang niadtong Hunyo 6, 1944, ang kasundaluhan gikan sa United Kingdom, Estados Unidos, Canada, ug France, mi-landing sa French coast ug gipang-atake ang German forces.
Mao kadto ang pinakadakong military naval, air ug land operation nga gisulayan paglusad isip sinugdanan sa kampanya pag-liberate sa Western Europe nga gi-ukupa sa Nazi.
Mi-abot ngadto sa 7,000 ka mga barko ug mga landing crafts ang milambigit hinungdan nga nahatud ang kinatibuk-ang 156,000 ka mga sundalo ngadto sa lima ka mga beaches sa Normandy region sa France.
Gipanghulog ang mga airborne troops luyo sa linya sa mga kaaway sa sayong mga oras sa adlaw adilser ang adlaw sa main attack.
Sa mismong D-Day, mi-abot ngadto sa 4,400 ka mga sundalo ang namatay gikan sa hini-usang magka-alyadong pwersa samtangmi-abot usab sa 9,000 ang mga angol ug missing.
Ang kinatibuk-ang German casualties sa maong adlaw, wala masuta apan gitu-uhang mi-abot kini sa 4,000 ngadto sa 9,000 gawas pa sa mga nangamatay sa mga sibilyang Pranses.
