BUTUAN CITY – Nakuha gikan sa transactional sex kon pakighilawas bugti sa salapi ang usa sa matag-napulo ka mga bag-ong kaso sa Human Immunodeficiency Virus kon HIV sa unang kwarter ning tuig 2025.
Subay sa gipagawas nga datus sa HIV and AIDS Surveillance of the Philippines, anaa sa kinatibuk-ang 5,101 ka mga HIV cases ang natala niadtung Enero ngadto sa Marso ning tuiga.
Sa maong ihap, 596 ka mga kaso kon bugti sa 12% ang nakuha gikan sa transactional sex sulod sa nakalabayng 12 ka bulan. Gilangkuban matud pa kini sa mga nibayad ug sa mga gibayran alang sa pakighilawas.
Sukad niadtung 2012 hangtud ning tuiga, mikabat na sa 16,586 ang mga natalang HIV cases tungod sa transactional sex.
Subay sa Department of Health, 54% kon bugti sa kinatibuk-ang ihap nga 8,962 ang natala niadtu lamang 2020 ngadto sa 2025.
